AXBOROT TEXNOLOGIYALARI, TARMOQLAR VA TELKOMMUNIKATSIYALAR - ITN&T-2022

RESPUBLIKA ILMIY-AMALIY KONFERENSIYASI

Sizlarni Muhammad al-Xorazmiy nomidagi TATU Urganch filialida O'zbekiston Respublikasi Oliy va o'rta maxsus ta'lim vazirligi, O'zbekiston Respublikasi Axborot texnologiyalari va kommunikatsiyalarini rivojlantirish vazirligi bilan hamkorlikdagi 2022 yilning 20-21 may kunlari bo'lib o'tadigan "Axborot texnologiyalari, tarmoqlar va telkommunikatsiyalar - ITN&T-2022" mavzusidagi respublika ilmiy-amaliy anjumaniga taklif qilamiz.

Ushbu anjuman quyidagi sho'balar bo'yicha ish olib boradi:

1. Telekommunikatsiya tizimlari va tarmoqlarini rivojlantirishning dolzarb masalalar va yechimlari.

2. Raqamli iqtisodiyotni rivojlantirishning zamonaviy tendensiyalari va dolzarb muammolari.

3. IoT texnologiyasi, katta hajmli ma'lumotlar va ularni qayta ishlash uchun mashinali o'qitish texnologiyalari.

4. Axborot xavfsizligini ta'minlashning zamonaviy muammolari va yechimlari.

5. Ta'limda zamonaviy telekommunikatsion texnologiyalar.

Mazkur konferensiyada ishtirok etishni istagan professor-o'qituvchilar hamda tadqiqotchilar o'z ilmiy izlanishlari natijasida tayyorlagan ilmiy maqolalarini yuqorida ko'rsatilgan sho'balar yo'nalishlari bo'yicha o'zbek, rus, ingliz tillarida taqdim etishlari mumkin

Taqdim etilgan maqola qabul qilingandan so'ng, har bir maqola uchun 50 000 so'm tashkiliy yig'im to'lanadi.

Anjumanga materiallar o'zbek, rus yoki ingliz tilida elektron variantda 2022 yil 15 mayga qadar qabul qilinadi.

Maqolalar nauka@ubtuit.uz elektron manziliga jo'natilishi kerak.